ان الله وملائكته يصلون على النبى يا ايها الذين امنو صلو عليه وسلمو تسليما*************** اللهم صلى وسلم وبارك عليك سيدى وحبيبى يا رسول الله
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 الي عايز يتعلم شوب دروينج للأعمال الميكانكية اقرأ الموضوع ده

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المهندس احمد
Admin
avatar

عدد المساهمات : 65
تاريخ التسجيل : 31/12/2010
العمر : 35

مُساهمةموضوع: الي عايز يتعلم شوب دروينج للأعمال الميكانكية اقرأ الموضوع ده   السبت يوليو 09, 2011 2:59 pm

انا و لله الحمد با شتغل في المقاولات و قلت يمكن يكون حد محتاج المعلومات دي عن طريقة عمل المخططات التنفيذية للأعمال الميكانيكية : تكييف و صحي و حريق
أتمنى أن أنفع به اخواني و الله من و راء القصد .....
و سوف أجعل الكلام على ثلاث محاور :

1. كيفية عمل شوب دروينج للأعمال التكييف المركزي
2. كيفية عمل شوب دروينج للأعمال الحريق
3. كيفية عمل شوب دروينج للأعمال الصحي ( تغذية مياه و صرف)



أولأ :كيفية عمل شوب دروينج للأعمال التكييف المركزي



خطوات عمل شوب دروينج لأعمال hvac:
اولا الشوب دروينج للي ما يعرفشي هي المخططات التنفيذية او مخططات الورشة او باختصار اللوحات الي المفروض انفذ منها على طول و تكون ( المفروض ) ما فيهاش اي مشاكل ( طبعا انا بتكلم بالعامية علشان ابسط الموضوع للي مايعرفوش):
1- اول حاجة تبدي تحاول تفهم المعماري كويس و تفهم كل زون أو منطقة فيها ايه يعني دي مثلا يوتلتي روم و دي جينراتور رو م ولا يو بي اس و لا حكايتها ايه ...........
2- نسيت اقول حاجة مهمة لازم اول حاجة تكون عارف المتطلبات أو ملفات الكاد الي تكون معاك علشان تبدي الشغل يا ريس و تلاقي كل المعلومات الي انت محتاجها والملفات المطلوبة هي ( الرسومات المعمارية المعتمدة و حط يجي تلاتين اربعين خط تحت معتمدة علشان لو اشتغلت على ريفجن مش معتمد تعرف ان انت في الاغلب هاتهد جزء من الشغل ان ماكنش اغلبه و الرسومات الانشائية ( طبعا دي مهمة جدا) و رسومات الانتريور ديزاين طبعا انا عارف ان هي داخلة ضمنيا تحت الرسومات المعمارية بس حبيت اقولها لوحدها لاهميتها ورسومات المجال الي احنا هانعمله شوب دراوينج الي هو تكييف او صحي او حريق ............. ندخل على رقم 3
3- نستفتح بالله و نبتدي نعمل check على حسابات المصمم ( يعني نشوف كل متر او كل 10 متر و اخدين كام cfm و كام طن تبريد و الغرف دي على الواجهات و لا لأ و مافيش مانع تشوف مدخلات حسابات الهاب و تشوف المساحات و الديفيريستي فاكتور و كده شغل نفسك يعني) طبعا في طرق بلدي علشان نعرف الحسابات دي في السيف سايد و لا المصمم ايده فرطة و خارب بيت المالك و لا مصمم تمام و عامل شغل كويس .
4- المصمم طلع محترم وعامل شغل كويس الحمد لله ( لو لاقيت طبعا الشغل معجون و ده بيقابلنا كتير من غير ما تفكر يا باشا جواب رسمي للمصمم قبل مايأخذ باقي فلوسه علشان يعدل المعجنة الي عاملها) نبتدي نسقط رسومات التكييف ( دكت ورك و مواسير التشيلد واتر ) على رسومات الانشائي علشان يا حبيب قلبي لو فيه كمرة طلعى قافلة مع السقف الساقط هيحصل مشاكل في الموقع جامدة مع المعماري و التكييف و هتبقى ليلة مش معدية و هيطير فيه رقاب لو الموضوع كبر......................
5- تبدي يا هندسة تحط دوائر او علامات او كلاود على كل منطقة فيها تعارض ( طبعا الكلام الي انا بأقوله ده مع واحد لازم يكون بيعرف يقرأ لوح تكييف وأنشائي كويس و لو مش عارف تقرأ لوح الانشائي خلي أي مهندس انشائي او معماري هيشرحلك سقوط الكمرة كام ارتفاع بلاطة السقف ا دي ايه )
6- بعد ماحصرنا مشاكل تعارض الدكت مع الكمرات بص يابن الحلال هنا في حالتين اتنين مالهومش تالت يا اما المبنى لسه على الورق و ماتصبش يبقى الحمد لله او المبنى او المنطقة الي فيها المشكلة اتصبت في الموقع و برضوا الحمد لله ...
7- لو المبنى ماتصبش تطبع الأماكن الي فيها مشاكل و تقفل جهاز الكمبيوتر و تجيب ورقة و قلم و تبدي يا هندسة تبعت جوابات رسمية للمعماري و الانشائي و الشخص المنسق الكردينتور و تقرفهم في عيشتهم لحد ما تعمل اجتماع و الأخوة الأعداء دول يشوفلك حل ( طبعا لو هما ناس دمهم تقيل في حلول تانية بس هانقولها في خطوة لم المبنى اتصب و الفاس وقعت في الراس)
8- أما بقى لو المبنى اتصب بص بقى هانبتدي نشوف حلول تكييفية مثال على كده نشوفها المرة الي جاية ان شاء الله......
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ghaiad.4ulike.com
 
الي عايز يتعلم شوب دروينج للأعمال الميكانكية اقرأ الموضوع ده
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
غياض دوت فور يو ليك منتدى المهندس احمد ابوغياض :: المنتديات الهندسيه :: منتدى الهندسه الميكانيكيه :: قسم التبريد والتكييف-
انتقل الى: